معاناتي
معلش نزل مشكلتى ضرورى ومن غير
اسم لو سمحت
السلام عليكم ورحمة الله وبركاته
كنت عايزه اخد رأى الناس فى حاجه
انا متجوزه بقالى 11سنه وربنا ماكرمنيش باطفال وعايشه فى بيت عيله انا وحماتى وسلفتى وسلفتى دى حملت وخلفت ولد وهى بتشتغل ومعاها بنتين بيدرسو ومش بيقعدو فى البيت كتير بحكم دراستهم وكده فا بعد ما خلفت الولد قالتلى انا شايله هم منين الى هيربى الولد ويهتم بيه قولتلها سيبيه معايا
وروحى شغلك ولما ترجعى ابقى خديه فابالفعل نزلت شغلها بعد 15يوم من الولاده واخدت منها الولد استمرالموضوع حوالى سنه كنت بعمله رضعه وارضعه واغير واوديه لدكتور وابتديت انا الى اصرف عليه انا وجوزى بحكم ان ظروفها الماديه تعبانه فانا وجوزى اعتبرناه ابننا وربيناه لوجه الله لحد مالولد ابتدى يتكلم ويفهم وبقى يقولى ياماما ويقول لجوزى بابا ابتدت حماتى تعمل مشاكل وتقول للولد متقولهمش بابا وماما دول عمك ومرات عمك وابتدت تصلت فى سلفتى وتقولها دى خدت ابنك منك وبقا يقولها ياماما
والولد مش هيعرفك تانى وكلام من ده لحد ماسلفتى عملت معايا مشــ..ـــكله هى وبناتها واخدو الولد منى كنت جيباله لبس واحذيه والعاب يلعب بيهم لما يطلع عندى لميت كل ده واديتهلهم وقولتلها ابنك معاكى وانتى حره فيه مع العلم احنا فى بيت واحد يعنى الولد كان عندهامعظم الوقت بس خلو الولد بطل يطلع عندى ولا يكلمنى ولا انا ولا جوزى لحد مالولد رجعلنا لوحده ورجع يطلع عندى تانى ابتدو يطلعو ياخدوه من الشــ..ـــقه بالعافيه وبالخــ..ـــناق مع الولد علشان ينزل من عندى بس انا كنت بتفرج وانا قلبى بيبكى على الى بيحصل بعد كل الى عملناه مع الولد والحب الى حبينهوله وان انا وجوزى اتعلقنا بيه زى ابننا بالظبط
المهم ان هما معرفوش يمنعو الولد ورجعلى زى الاول واتعلق بيا هو كمان اكتر من الاول فاخدت رأى والدتى
وحكيتلها قالتلى ده طفل ومتكسريش بخاطره خليه معاكى وملكيش دعوه بالى بيعملوه الكبار ادام الولد متعلق بيكى المهم دلوقتى الولد عنده 3سنين ونص بقى معايا فى كل مكان وطول عمره ده وانا وجوزى الى متكفلين بيه من جميع كل حاجه وامه مبتصرفش عليه ولا جنيه وابوه مسافر ومش بيسال عليه المهم ان الولد اتعلق باهلى كمان وهم اتعلقو بيه وبقو بيعاملوه على انو حفيدهم لانى اكبر بنت فى اخواتى ومعندهمش لحد الان حفيد فاعتبروه حته منهم دلوقتى بقا المشكله انا الولد متعلق بوالدى جداً ولازم يروحله كل اسبوع واحيانا مش بيرضى يرجع معايا البيت ويقولى هبات مع جدو النهارده وتعالى خدينى بكره بسيبه يبات وارجع اجيبه تانى يوم او والدى يجيبهولى المشكله بقا هنا فى حماتى رجعت تصلت
سلفتى تانى وسلفتى تيجي تقولى حماتك بتقول كذا وكذا.اقولها انا مش خاطــ..ـــفه ابنك هو معاكى طول الوقت هو الى بيطلعلى بس لما يكون محتاج حاجه المهم بقا نرجع لحماتى الى كل لما تشوف حد من اهلى تقعد تدعيلى انا وجوزى انا احنا يعنى الى مهتميين بيه وبنصرف عليه والكلام ده وتقعد تدعى لوالدى ووالدتى ان هما مهتميين بالولد وبيحبوه وبعد ما يمشو تكلم عكس الى كانت بتقوله وتقول للولد متروحش تانى عند تيته وجدو ولا تبات هناك المهم ان الولد كان مع جوزى بره البيت وقاله يابابا عايز اروح عند جدو جوزى وداه ورجع ياخده بعد شويه الولد قاله لا انا هبات عند جدو فا جوزى سابه يبات علشان ميزعلوش فالولد بعد ما جوزى مشي قالى لوالدى روحنى يا جدو علشان تيته قالت متباتش عند جدو وتيته تانى ومن ساعه مالولد قال لوالدى كده وهما زعلانين جداً من الى حماتى بتعملو معايا وانها بتكره الولد فيا انا واهلى ولما حكيت لجوزى قالى ربنا
يهديها هعملها ايه مع العلم ان جوزى قعد مخاــ..ـــصمها شهرين بسبب الحوار ده ومفيش فايده فيها بجد تعبنا ونفسيتنا تعبت انا وجوزى مع العلم هى عارفه ان ابنها عمل كذا عمليه وربنا ماكرمناش المفروض تكون رحيمه بابنها بما انه الوحيد الى بيصرف عليها وبيودها وبيوصل الرحم دون عن عيالها كلهم بس مش عارفه ليه الكره ده وبالمناسبه جوزى عرض عليا اننا نتبنى طفل بس انا خايفه اكــ..ـــسر قلب الولد لانه مبقاش لاقى حنيه من اهله واحنا بقينا كل حاجه ليه دلوقتى وكل اما اقول قدامه انا هجيب نونه يقولى لا يا ماما انتى ماما لى لوحدي بجد احتارت مش عارفه اعمل ايه ???????? معلش طولت عليكم سامحونى بس كان لازم اكتب الموضوع بالتفصيل انا اول مره ابعت مشكلتى لحد بس خلاص تعب من الكــ..ـــتمان قولولى اعمل ايه????
#baraka_بركة
