يتـ,,ـيمة
السلام عليكم
انا متجوزه من سنتين جوزي يبقي قريبنا مامتي ومامته ولاد خالة
من قبل الارتبـ,,ـاط انا كنت اعرفه وهو يعرفني بحكم القرابه دي هو معاه بكالوريوس تجاره وانا نفس مؤهله اتقدم لي وبعد كدا اتخطبنا وبعد الخطوبه بفتره
اتجوزنا حياتنا سوا الحمد لله حلوه جدا مش معقده
انا مامتي ماديا مش نفس مستوي ولاد خالتها طبعا الحمد لله علي كل حال بس هما ماديا اعلي مننا وهما كمستوي معيشه وكدا مش زينا
انا بابايا متو,في من وانا في٣ اعدادي وانا اكبر اخواتي احنا ٤ بنات
واللي عرفته بعد كدا ان ولاد خالة ماما دول اللي هما حماتي واخواتها كانوا بيعطوا لماما فلوس كنوع من المساعده لانها ارمله ومعاها بنات
حماتي بقي بيتها مفتوح دايما لاخواتها دول يعني كل التجمعات بتكون عندها ولما بيجوا لازم بيبعتوا لي انزل اقعد معاهم كانوا بيسألوني عن ماما ومره واحده كدا الكلام راح في اتجاه تاني لقيتهم كلهم بالاجماع بيقولوا مسكينه تعـ,,ـبت كتير ولولا عطف الناس عليها مكانتش علمتكم …
وواحده منهم تقول لحماتي فاكره ايام عمليه بنتها قصدهم علي اختي الصغيره لما اهل جوزها مرضيوش يساعدوها ولولا احنا عليها وفضلت تدعيلنا ايامها لا لا دي شافت الذ,ل…
وواحده تقول انا ابني مراته هتورث من ابوها ورث حلو وتبص لجوزي وتعوج بؤها كدا وتبقي عايزاه يضحك وهو ميضحكش ولا حاجه
كل قلة الذوق دي حصلت في اليوم دا
قومت وسيبتهم وطلعت لاني لو كنت فضلت دقيقه كنت هعـ,,ـيط قدامهم وفي نفس الوقت انا مقدرش ارد عليهم رد مش كويس مش هعرف اعمل كدا
سمعته بيقولهم مينفعش خالص اللي بتقولوه دا وبعدين طلع كان عندي تراكمات من كل مواقفهم وكلامهم ليا قبل كدا وانهارت قدامه غـ,,ـصب عني وهو قالي متقعديش معاهم ولاتنزلي تاني لما يجوا بعد اللي حصل دا مش بيجوا زي الاول وحماتي طبعا زعـ,,ـلانه مني وبتقولي ان انتي كدا هتخلي اخواتي يبعدوا عني ويزعـ,,ـلوا من ابني انتي كدا بتشجعيه علي انه يقـ,,ـاطع خالاته وقالتلي انتي اللي مش متقبله كلام من حد
انا ولا مره لحد دلوقتي قولت لماما عن اي حاجه انا موجـ,,ـوعه جدا من كل كلمه قالوها ومش قادره اتخطي كلامهم خالص
انا عايزه اعرف ايه الغلط في اني اخدت موقف وزعلت انا غلطت في ايه وهو طبيعي انهم يتكلموا معايا كدا ؟ ولا المبادئ اتغيرت والكلام دا بقي عادي يتقال في وشي ..
